Monday, March 5, 2018

වැස්ස

Image may contain: plantවැස්සත් එක්ක 
අමුතු බැදීමක් තියනවා කියලා හිතෙන්නේ 
මට විතරද? 
අඩ අදුරේ ඉදන් 
අහස් ගැබ සරසන විදුලි සැර රටා විදින්න 
කැමති මම විතරද? 
චිරි බිරි චිරි බිරි තාලයට වැටෙන 
වැහිපොද සුමිහිරි රිද්මයක් ලෙස ඇසෙන්නේ 
මට විතරද?
දගකාර සුළං රැලි මුහුණ සිපගනිද්දි 
ආදරය හිතෙන්නේ මට විතරද? 
පරිසරයේ පැතිර යන ඒ අපූරු සුවද 
දැනෙන්නේ මට විතරද? 
මේ අපූරු අත්දැකීම විදින්න කැමති මම විතරමද?

ඔබත් එවන් එකෙක්ද?

Image result for sri lanka flagජාති ආගම් පාට පක්ෂ කුල මල බේද නොතකා,
තවකෙකුට ප්‍රේම කරන්නට, 
කරදරයකදී උදව් කරන්නට, 
අලුත් සහෝදරකම් ඇති කරගන්නට හිතක් පහළ වෙන්නේ
මනුස්සකම් අදුරන
මනුස්සකම අගයන
සත් ගුණ දම් පිළිපදින 
පටු සංකල්ප හෙලා දකින
සුළු පිරිසකට පමණි.
ඔබත් එවන් එකෙක්ද?

Wednesday, February 28, 2018

හැගුම්

"ඔහුව දකින සෑම විටම මගේ හදවත ඉතා නොඉවසිල්ලෙන් ස්පන්දනය වන වග දැනගත්තේ අද ඊයේ නොවේ.
ඒ අපූරු හැගීම වචනයට පෙරලන්න සත්තකින්ම වචන නැති තරම්ය.
ඔහුගේ හැම ඉරියව්වක්ම මම හොදින් දනිමි.
ඔහුගේ පියවර රටාවේ ස්වර සටහන් මම හොදින් හදුනමි.
ඔහුගේ ගොරෝසු කටහඬ,
කතා බහ කරන ලීලාව,
ඒ ආඩම්බර සිනහව,
සර්වාංගයම කිලිපොලා යන හැගුම් ගෙන එයි.
සිහිනෙන් පවා වද දෙන ඔහු ගැන මගේ හිතේ ජනිත වී ඇති මේ අමුතු සිතිවිල්ලෙන් මිදෙන්නට අවශ්‍ය වූවත්, එම සීමාව ඉක්මවා ගොස් ඇති වග මට වැටහෙයි.
ඔහු ගැන නොහිතන මොහොතක් නැති තරම්ය.
විටෙක ඔහුද මා දෙස බලාන ඉන්නා වග මට දැනෙයි. ඒත් එය මම මවාගත් මනස්ගාතයක් විතරක්ම විය හැකිය"
මාස කිහිපයකට පෙර තැබූ සටහනක් ඇලෙක්සැන්ඩ්‍රා කියවා, මද සින්හවක් පා, දිනපොතේ අලුත් පිටුවක අද සිදුවූ දෑ සටහන් කරන්න පටන්ගත්තාය.

මතු සම්බන්ධයි.

Thursday, February 15, 2018

ඇලෙක්ස්ගේ ආදරය

ඇලෙක්ස් පිස්සුවෙන් වගේ ආදරේ කලේ මුලු ලෝකයම අමතක කරලා..
ඉහලට පහළ ට යන හුස්මක් ගානේ දෙවියන්ට කන්නලව් කලේ එයාගේ ජීවිතයට සතුට ලගාකර දෙන්න කියලා.. පුලුවන් හැම වෙලාවකම ලගින්ම හිටියේ එයාගේ හිත ගොඩාක් අය රිද්දපු නිසා.. ලැබෙන හැම අවස්ථාවවක්ම ලස්සන කලේ ඒ අදුරු අතීතයෙන් එයාව බේරාගෙන එයාට සතුට විතරක් ලගාකර දෙන්න හිතපු නිසා..
ඒත් දැන් ඒ හැම දෙයක්ම වෙනස් වෙලා..
ආදරයෙන් තුරුල් කරගත්ත, හැම මොහොතක්ම හදවතින්ම වැළදගත්ත ඒ අපූරු බැදීම, ඒ අහිංසක ආදරය සුන්දර මතකයක් විතරක් වෙලා..
ලගින් හිටියත් එයා ගොඩාක් දුරස් වෙලා.. අභියෝග මැදින් ඇලෙක්ස් එයාට ලං වුනේ කිසිම දිනක මේ වගේ ඈත් වෙන්න නම් නොවේ..
ඒත් සියලු දෑ අනිත්‍යයි.. හැගීම් අවිනිශ්චිතයි. ජීවිතය පුදුමාකාරයි..
මේ හැම දෙයක්ම ඇලෙක්ස් දිනපොතේ සටහන් කලේ තවත් එක් පරිච්ඡේදයක් ලෙසටයි.
-නිමි-

Monday, October 9, 2017

ඒ රටේ මිනිස්සුන්ගෙ කැත ගතිගුණ


  1. අලුත් සින්දුවක් හෝ කතාවක් ප්‍රසිද්ධ වූ විට මෙය කොපියක් දැයි ඇසීම
  2. කෙනෙකුගේ සාර්ථකත්වය පිටුපස හොර මාර්ගයක් තිබේ යැයි සැක කිරීම
  3. පාරට කොලයක් විසි කිරීමට පෙර දෙවරක් සිතා නැවත එක කොලයකින් පරිසරය දූෂණය නොවේ යැයි නිගමනය කර නැවත කොලය පාරට විසි කිරීම
  4. ගර්භණීය කාන්තාවකට හෝ  ආබාධිත  පුද්ගලයකුට  කැමැත්තෙන්ම ආසනය ලබාදී ඇයි මටම මෙහෙම වෙන්නේ යැයි සිතීම
  5. නිවසට අමුත්තන් එන විට පමණක් ගේ අස් පස් කිරීම
  6. සාරිය බාගෙට ඇන්දහම Posh ලෙස නම් කරනු ලබන අතර, හරියට ඇන්දහම ගොඩේශස් ලෙස හැඳින ගැනීම

 - මතු සම්බන්ධයි - 

Saturday, September 30, 2017

ලොකුම මායාව

මගේ සිතට දැනුනු මේ සිතිවිලි ධාරාව සටහන් කරන්න හිතුණා. 
අවුරුදු දහයකට පෙර මාත් එක්ක හිටපු මගේ යාලුවෝ දැන් මා ළඟ නැහැ,
ඔවුන්ගේ පින්තූර එකින් එක බලනකොට මා දැනසිටි ඒ පොඩි උන් ම දැයි කියා මට හිතෙනවා,
ගවුම් කෑලි ඇඳපු උන් දැන් සාරි අඳිනවා,
උයන්න ට බැරිව හිටපු හැම එකාම රසට උයනවා,
ළමයි නලවන්න බෑ කියපු එවුන් ළමයි නලවනවා,
ගෙදර අත ඇරලා කොහෙවත් යන්නෙ නෑ කියපු උන් දුර ඈත රටවල් වලට වෙලා තනිවම ජීවත් වෙනවා,
කොල්ලා දාලා ගියා කියලා කවදාවත් කසාද බඳින්නේ නැහැ කියලා හිටපු එවුන් දැන් කසාද බැඳලා,
මමයි උඹේ හොඳම යාලුවා කියපු එවුන්ව දැන් හොයා ගන්නවත් නෑ,
හැම අවුරුද්දෙම අපි සෙට් වෙමු කියපු ඒවයේ කෑලිත් නැ,
සමහර එවුන් ව මට අඳුරගන්නත් බෑ!
මේක තමයි මගේ ජීවිතයේ මම දැකපු ලොකුම මායාව,
කාලය කල වෙනසක අරුමය...

Monday, July 24, 2017

අපැහැදිළි බැඳීම්

ආදරය නොහඳුන තැනකට ආදරය පුදන විට
බැඳීම් නැති තැනක බැඳීම් ඇති කර ගත් විට
හිමි නොවනා සෙනෙහසකට උරුමය පතන විට
හිත් තැවුල්, ලතැවුල්, නිම් නැති කඳුළැලි නිබඳව

Live Tweets -- Follow Me

    Total Pageviews